Plantun de Prouvènço

Pèr coumpara dos planto d'encò nostre

Galium lucidum & Campanula rotundifolia subsp. rotundifolia

Galium lucidum

Rubiaceae

Nom en français : Gaillet luisant.

Descripcioun :
La reboulo-lusènto es uno planto coumuno que trachis en mato sus li paret e li roucaio de touto meno. Èi pas di mai grando, se recounèis à si cambo e fueio primo ( = 1 mm), aquésti soun lusènto. L'enflourejado èi piramidalo e li petalo di flour soun acabado pèr uno pichoto arèsto. Coumpara emé la reboulo-di-fueio-d'espargo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 80 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco - Relarg à jóuinis aubret
Estànci : Termoumediterran à Mountagnard
Couroulougi : Éurimediterranenco
Ref. sc. : Galium lucidum All., 1773

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.